Маңғыстауда 7 айда жолда 2 бала көз жұмып, 26-сы жарақаттанған

©

«Маңғыстауда 2018 жылдың 7 айында балалардың қатысуымен 24 жол-көлік оқиғасы тіркеліп, 2 кәмелетке толмаған бала көз жұмып, 26 бала әр түрлі дене жарақатын алған. Былтырмен салыстырғанда жол апаты 42,9 %-ға азайған. Былтыр 42 баланың қатысуымен жол апаты болып, 4 бала дүние салған. Ал 41 бала жарақат алған», - деп мәлімдеді Маңғыстау облысы ІІД ЖПҚ жол қозғалысын ұйымдастыруды қадағалау бөлімшесінің бастығы Қ.Айғарақов.

Кеше Маңғыстау облысы ІІД-нде «Жасөспірім» жедел-профилактикалық іс-шарасы талқыланған дөңгелек үстел өтті. Оған білім саласының және ҮЕҰ өкілдері де қатысты.

«Жасөспірім» іс-шарасы кезінде жасөспірімдердің түнгі мезгілде ойын-сауық орындарында жүргені үшін ҚР ӘҚБтК 132 бабымен 4 әкімшілік хаттама толтырылған. Сонымен қатар жасөспірімдерге темекі сатқаны үшін 5ш/а «Рима», 2ш/а «Ирин», 8 ш/а «Ердаулет», 28 ш/а «Балжан, 6 ш/а «Алекс», 11 ш/а «Рахмет» сияқты дүкен иелері әкімшілік жауапкершілікке тартылған.

Маңғыстау облыстық ІІД ЖПҚ аға инспекторы К. Кылишаеваның айтуынша,  жыл басынан бері жасөспірімдердің түнгі уақытта жалғыз қыдырғаны үшін ата-аналарға 2445 хаттама және ойын-сауық орындарда жүргені үшін 47 хаттама толтырылған.

Камшат ОҢҒАЛТАЙ,

Сурет сайттың архивінен

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.