Асық технологиясын енгізген балабақша

Былтыр Тұңғыш Президент күні қарсаңында Таушық ауылына ауыл меценаты Айбек Қосуақов тарту еткен «Күншуақ» бөбекжайы бүгінде аудандағы білім беру ұйымдарының арасында тәрбие жұмыстарында ұлттық негізді қолдануды қолға алып, жаңалықтарымен көрініп үлгеруде.

- Балабақшаның жылдық жоспары бойынша «Халықтық педагогика» тақырыбын алдық. Соның ішінде мін­деттеменің бірі ретінде асық техно­логиясын енгіздік. Асық технология­сы дегеніміз – таза өнім әрі барша­мыздың үйімізден табылатын нәрсе. Монтессориға қарағанда қолжетімді. Еш жерден сатып алмай, ата-­анала­рымыз өздері жинап, алып келді. Оны әртүрлі сабаққа көрнекілік құрал ретінде пайдаланамыз. Мысалы, тү­сін ажырату, санауға, балалардың қол моторикасын дамыту үшін мон­шақ ретінде жіпке тізіп, шахмат ре­тінде де, әртүрлі ойыншықтар орны­на пайдаланамыз. Бала денсаулы­ғына түрлі массаж үшін арнайы саты­латын кілемшелерді алмастырып, асықты табан ізімен жабыстырып жасап жатырмыз. Сергіту жаттығу­ларына да осы асықты ұтымды пай­даланамыз. Бояусыз таза өнім бол­ғандықтан балалар денсаулығына әсері жоқ. Бұл әдісті біз Алматы қаласындағы №51 балабақша ар­қылы тәжірибеге алып, енгіздік. Түпқараған аудандық білім беру бө­лімінің хатымен сол балабақшаға шығып, олардың және өзіміздің әдіс­теріміздің тиімді тұстарын жұмысы­мызда пайдаланып отырмыз. Негізі­нен, өзге ойыншықтар не оқу, үйрету құралдарында пайдаланылатын зат­тарға қарағанда 20 жылдан аса асықты қолдану еш зиянсыз. Соны­мен қатар бүкіл ұлттық және спорт­тық ойындарды да асықпен алмастырмақпыз. Оның ішінде «Хантала­пай», «Асық ату» ойнатылады. Ал­дағы уақытта өз тәжірибеммен бө­лісіп, өзге де мектепке дейінгі білім беру ұйымдарына арнайы семинар өткізсем деген де ойым бар, - ­деді болашақ үшін көтерілген бастама­шыл идеяны ауылдың шағын бала­бақшасында іске асырып отырған Алмагүл Ерболатқызы.

Милана ЕЛЕУСІНОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.