Түпқарағандықтар игі бастаманы қолдады

Жетімі мен жесірін жылатпаған қазақта ағайын мен бауырға, жалпы халыққа қол созатын игі Асар деген бастамалы салт болған.

Қайтарымсыз түрде жүргізілетін бұл көмек түрін қаржылай да, жұмыс кү­шімен де көмек етіп ұйымдастыра біл­ген қазақ жақынының жаны қысылса ғана емес, ауылдас, таныстың жаны қысылса, жылу жинап, асарлатып, та­лай мәселенің түйінін тарқатқан. Үй салса, кірпіш бергендер кірпішін, қар­жысын бергендер қаржысын, тасын қалағандар тасын көтеріп, ағайынның арасындағы туыстық бекіп, жалпы қа­зақ арасында бауырмалдық пен адами құндылықтағы қарым­қатынас нығая түскен. Осылай ұйымшыл да ұлы қазақ ұрпақтары сабақтасып, ұрпаққа беріліп отырған салт жалғасқан. Алайда, бү­гінгі нарықтық заман қарақан басты ойлауға ғана мұршалатып, көпшіл­діктен өзімшілдікке ойысып, асарлату әр жерде ғана ұйымдастырылып жүр. Оның дәлелі сонау жылдарда облыс­тық «Қазақстан­-Ақтау» телеарнасы ұйымдастырған «Асар» бағдарлама күнделігі болатын. Осы бастаманы об­лыста қайта жаңғыртып, елге үндеу тастап, игі іске ұйысуға шақырған Маң­ғыстау облысы әкімі Ералы Тоғжа­новтың бастамасы әлеуметтік желіде қызу талқыдан бұрын қолдау тауып жа­тыр. Бұл тұрғыда аймақта бастау ал­ған «Асар» қайырымдылық акциясына жастардың алды болып «Ақ жол­ жастар» жастар қанаты мүмкіндігі шек­теулі балалар мен аз қамтылған от­ басыларға арнайы көмек берді. «Ба­лаларға базарлық» деген атпен жал­ғасын тапқан аталмыш ұйым акциясы да осы бастама аясында облыстық ау­руханада ұйымдастырылды. Мереке қарсаңында ауруханада жатқан бала­ қайларға қуаныш сыйлаған акцияда Аяз ата мен Ақшақар балалар қуанышына куә болды.

Аймақ қолдап отырған акциядан түп­қарағандықтар да тыс қалған жоқ. Іле қолдап, аудандағы Жалау Мыңбаев атындағы мектеп­гимназиясы үйден оқитын оқушыларды Аяз ата, Ақша­ қармен Жаңа жыл мерекесінде үйле­ріне арнайы барып құттықтады. 50000 теңгеге жаңа жылдық тәттілер мен сыйлықтар үлестірген «Асар» қайы­рымдылық акциясы барысында қолдау көрсетіп, демеушілік көрсеткен мектеп ұжымына ата­-аналар алғыстарын жау­дырды.

Сонымен қатар, аудандық «Ақкетік арайы» газетінің де «Баспасөзге жазы­лу­-2018 жыл» науқаны кезінде бірне­ше ардагерлер мен мүгедек жандарға, аз қамтылған отбасыларға аудандық газетті жазып беруге демеушілік көр­сеткен жомарт кәсіпкерлерге де акция­ латпаса да, асарлата аудан оқырман­дарына қолдау білдірді. Ауданның бір­неше жыл үзіліспен үнпарағы болма­ған, төл газеті Тәуелсіздікпен қайта тү­леген аудан баспасөзінің оқырмандар қауымын жоғалтпауына, рухани қазына болып саналатын газеттің оқырман қауыммен қауышуына көр­сеткен көмектері үшін асарлатқан «Түпқараған  су  жүйесі» мекемесіне, «Түпқараған электр жүйесі» мекемесі мен «Каспий коммуналдық» шаруашы­лық мекемесі басшыларына, азамат­тық сектор өкілдері Түпқараған ау­дандық азаматтық бастама жетекшісі Гүлсім Рамашеваға, «Түпқараған жас­тары» ҚБ директоры Наурызбек Мағ­датовқа, «Әсемай» сауда дүкені иесі Альфия Тәжіғалиева сынды бір топ кә­сіпкерлерге редакция және осы кісілер арқылы тегін жазылған жазылушылар алғысын білдіреді!

Алдағы уақытта асарлататын аза­маттар көбейіп, елдегі ағайынға арқау болып, үй салып, ауруынан айығуға көмектесіп жатса, бұл «Асар» акциясы заман талабына сай дәстүрдің озғаны болар еді. Елім деген ерлері бар ел әлі асарлата жақсылық жасап, жарысаты­нына сенеміз!

Милана ЕЛЕУСІНОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.