Маңғыстаулық бишілер республикалық байқауда бас жүлдені алды

©

Алматы қаласында 7-11 желтоқсан аралығында ұйымдастырылған республикалық «Менің отаным Қазақстан» ән-би жасөспірімдер арасындағы балалар шығармашылығына арналған «Ғұмырдария» байқауына қатысқан түпқарағандық «Гүл-би» студиясының бишілері Маңғыстау облысы атын шығарып,  би номинациясынан Бас жүлдесін иеленді. Бұған дейін жүлдесіз қайтпайтын түпқарағандық «Қызғалдақар» үлгілі би ұжымының ізбасарлары, жаңадан құрылған «Гүл-би» би студиясының тәлімгерлері де әділқазылардың 100 балл бағасын алды. «Ең тәртіпті әрі сауатты билеп шыққан бишілер» деген жақсы бағасын сахнада атап өткен байқау әділқазылары, маңғыстаулық бишілерден үлгі алу керектігіне де марапат кезінде еркешелеп тоқталды.

Би үйірмесінің 4 сыныбында оқитын 26 бишінің үлкен сахнаға алғаш шығуы. Хореограф, биші, жоғары санатты ұстаз Гүлнәр Жолдыбаева құрған жаңа би тобы бұған дейін аудан сахнасында ғана өнер көрсетіп келген.

- Мен ұстаз ретінде бұл балалардың алғашқы қадамын Алматыдан бастап, оны жүлдемен толықтырып отырғанына шын қуаныштымын! Бұл байқау басқа байқауларға қарағанда әділетті өтеді. Оған талай «Қызғалдақтар үлгілі би ұжымын» апарып жүргенен білемін. Әр өнерпаздың сахнаға шығуынан кейінгі әділқазылардың бірден бағасын беруімен ерекшеленеді. Сондықтан осы байқауға шақырту алғаннан бастап, қатысуға жинақталып, күндіз-түні дайындалдық. Бұл байқауда бишілеріміз билеп шыққан екі би нағыз байқауға арналған. Ол жерде 26 баланың қимылы мен қозғалысы бірдей бір ырғақтағы орындалуынынан бастап, сахна мәдениеті, киімдері мен қойылым шеберлігі де бағаланады. Сондықтан осы бар талаптар ескеріліп, жоғары көрсекіш алғанымыз әрине мақтаныш! Біз бұл байқаумен шектеліп қалмаймыз, бишілердің құлшынысы артып, осы байқаудан ерекше сезімде оралды. Олардың бірін-бірі құшақтап, қуанған сәтін көру мені ерекше тебірентті. Балалардың рухани байлығы – өнерін шыңдау мен үшін мәртебе, балалрдың өзі үшін өнер, тәртіп, ізденіс бәрі ұштасып өз нәтижесін осындай байқауларда беріп жатады, - дейді би жетекшісі, хореограф, жоғарғы санатты ұстаз Гүлнар Жолдыбаева.

 Милана ЕЛЕУСІНОВА

[gallery td_select_gallery_slide="slide" ids="44513,44512,44511,44509"]