Мемлекеттік қызмет келіп-кетіп жасайтын жұмыс емес...

Сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің басшысы, әдеп жөніндегі кеңес төрайымы Нұргүл Жанназарова, «Азаматтарға арналған үкімет» мемлекеттік корпорациясы» КЕАҚ Маңғыстау облысы бойынша филиалы – «ХҚКО» департаментінің директоры Ербол Байжігіт, «Азаматтарға арналған үкімет» мемлекеттік корпорациясы» КЕАҚ Маңғыстау облысы бойынша филиалы – «ЖК ж ЖМТТ» департаментінің директоры Муса Хайруллиев, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Маңғыстау облысы бойынша департаментінің мемлекеттік қызмет саласындағы бақылау басқармасының басшысы Нұрбол Долдашев Түпқараған ауданында жұмыс сапарында болып, аудан активі және жұмыссыз жастармен кездесті.

Түпқараған ауданына қарасты мемлекеттік мекеме қыз­меткерлері, кәсіпкерлер, үкіметтік емес ұйымдары және БАҚ өкілдері қатысқан семинар-­кеңесте алдымен сөз алған сыбайлас жемқорлыққа қарсы іс-­қимыл агенттігінің Маң­ғыстау облысы бойынша департаментінің басшысы, әдеп жөніндегі кеңес төрайымы Нұргүл Жанназарова облыс бо­йынша мемлекеттік қызметке қабылдау, мемлекеттік қыз­меттің конкурс комиссиясынан өту мен тест тапсыру бойын­ша тоқталып, түсінік берді. Осыған дейін екі аудан мен Жаңаөзен қалаларын аралап келе жатқан департамент басшысы 9 айдың қорытындысы бойынша Маңғыстау өңі­рінде бос мемлекеттік қызмет орындары көп екені және жұмыссыз жастар көп бола тұра бұл көрсеткіштің төмен­демеуіне мониторинг жүргізіліп жатқанын жеткізді.

Маңғыстау облысындағы оның ішінде Түпқараған ауда­нына қарасты мемлекеттік мекемелердегі кадр қызметінің жай­-күйіне тоқталған әдеп жөніндегі кеңес төрайымы Маң­ғыстау облысында мемлекеттік қызметке келушілер және кетушілер санына, мемлекеттік қызмет бойынша өңірдегі бос орындар мен мемлекеттік қызметшілердің жұмыстан шығуы себепсіз көбейгендігін қолға алып, себептерін анық­тау жұмыстары жүргізілу керектігін жеткізді.

Қазіргі таңда Түпқараған ауданында штат бойынша мем­лекеттік қызметшілердің жалпы саны - 87 (нақты қызмет­ тегілердің саны - 78). Ағымдағы жылдың 1 қазанындағы жағ­дай бойынша ауданның жергілікті атқарушы органда­рындағы бос мемлекеттік лауазымдардың саны - 9 (немесе жалпы штат санынан алғанда - 10,3 %). 2017 жылдың ал­ғашқы 9 айының қорытындысы бойынша Түпқараған ау­данының әкімдігінде мемлекеттік қызметтен өз еркімен кеткендердің саны 2017 жылдың басынан бері 7 адамға (немесе 8%) жеткен, ал орташа республикалық көрсеткіш – 4,8%.

Әлеуметтік желідегі суреттерге де абай болған абзал

Мемлекеттік қызметкер - жай қатардағы жұмысшы емес екені айтпаса да түсінікті. Білімі мен біліктілігі бір басқа, өзін ұстауы, сөйлеу мәнері, киім киісі мен ісінен үйлесім тауып, алдына келген халықты заң нормаларына сай қабылдай отыра, жауап беру жауапкершілігінің жүгі бар екенін тағы да естен шығармағандары абзал. Күндіз галcтук тағып, шікіри­ген ақ жағалылар ішінде кешке кафе жағалап, арақ-­шарап ішкен суретін әлеуметтік желіде жариялайтындары да баршылық, бұл - әбестік. Бұл үшін әдеп жөніндегі кеңеске түсіп, әлгі қызметкердің тәртібіне сай жазасы да беріліп жа­тады.

Семинар-­кеңесте осы жайттарды, Түпқараған ауданы бойынша мемлекеттік қызмет және мемлекеттік көрсетіле­тін қызметтер заңнамаларының, сондай­-ақ Әдеп кодексінің сақталуы бойынша атқарылған іс­-шаралар жөнінде депар­таменттің мемлекеттік қызмет саласын бақылау басқар­масының басшысы Н.Долдашев баяндама жасады. Атап айтқанда, департаментке жүгінген тұлғалардың саны өткен жылмен салыстырғанда 62% артқандығы, тиісінше тексеру­лер екі жарым есеге, заң бұзушылықтар төрт есеге дейін өскендігі байқалады. Бұдан басқа департамент өкілі бос мемлекеттік әкімшілік лауазымға конкурс өткізу тәртібін бұзған, заңсыз қызметтен босатқан, мемлекеттік қызметтен теріс себептермен босатылған адамның табыстары мен мүлкі туралы декларацияны ұсынбаған және мемлекеттік қызмет көрсету кезінде рұқсаттардың мерзімін және тәртібін бұзғаны үшін 16 тұлғаға барлығы 1 397 704 теңге көлемінде әкімшілік айыппұл салынғанын көрсетті. Сонымен қа­тар, Маңғыстау облысындағы Әдеп жөніндегі кеңесте қа­ралған мәселелерге тоқталып, Түпқараған ауданы бойын­ша тәртіптік жазаға тартылған мемлекеттік қызметшілер сөз болды. Семинар­-кеңес мемлекеттік көрсетілетін қыз­меттер бағытында Түпқараған ауданына қарасты мемле­кеттік органдарда 14 бақылау іс­-шаралары жүргізіліп, нәти­жесінде 13 қызметшінің әртүрлі дәрежеде тәртіптік жазаға тартылғаны аталып өтті. Бақылау шараларының бірі «Жа­сырын сатып алушы» жобасы болып табылады. Бұл орайда сыбайлас жемқорлыққа қарсы мобильдік тобымен Түп­қараған аудандық халықты жұмыспен қамту және әлеумет­тік бағдарламалар және ішкі істер саласының көші­қон қыз­меттеріне қатысты іс­-шаралар жүргізіліп, құжаттарды қа­былдау кезінде мемлекеттік қызмет көрсету стандартында көзделмеген артық құжаттарды сұрату, қызмет көрсету орындары бойынша қызмет алушыларға нақты толық ақпараттар бермеу сияқты кемшіліктердің орын алғандығы айтылды. Іс-­шара соңында мемлекеттік қызметшілердің әлеуметтік желілердегі парақшаларына жүргізілген монито­ринг нәтижесінде анықталған қызметтік әдеп нормаларын бұзу деректері қатысушылар назарына ұсынылды.

– Адам – ең әуелі адамгершілігімен, әдебімен көрікті бола­ды. Бұл тұрғыда, аумақтық департамент мемлекеттік қыз­метшілердің Әдеп кодексінің нормаларын сақтау бойынша «Әлеуметтік медиаларда (әлеуметтік желілер, блог­плат­ формалар, форумдар мобильді мессенджерлер, коммента­рийлер және басқалар) мемлекеттік қызметшілермен акка­унттарды қолдану» әдістемелік ұсынымына сәйкес мемле­кеттік қызметшілердің әлеуметтік желілерінің парақша­ларына мониторинг жүргізіп отырады. Мониторинг көрсет­кендей, Маңғыстау облысының жергілікті атқарушы орган­дарының 9 мемлекеттік қызметшісі тарапынан өздерінің әлеуметтік желілеріндегі парақшаларында ойын­-сауық орындарда (кафелерде, демалыс орындарында спирттік ішімдікпен түскен суреттер, әдепке жат қылық етіп суреттейтін суреттер және т.б.) түскен суреттерін орналас­тырғаны белгілі болып отыр. Нәтижесінде 2 мемлекеттік қызметшіге «ескерту» түрінде тәртіптік жаза қолданылды. Бұл бағыттағы жұмыстар әр­дайым аумақтық департаменттің бақылауында және егер алдағы уақытта осы мәселеге қатысты деректер орын алған жағдайда мекеме басшысының қатаң жауапкершілігі қаралатын болады. Өйткені агенттікпен «Әлеуметтік меди­аларда мемлекеттік қызметшілермен аккаунттарды қол­дану» әдістемелік ұсыным мекеме басшыларына берілді,­ – дейді ҚР Мемлекеттік қызмет істері және сыбайлас жем­қорлыққа қарсы іс­-қимыл агенттігінің Маңғыстау облысы бойынша департаментінің Мемлекеттік қызмет саласын­дағы бақылау басқармасының басшысы Нұрбол Долдашев.

«Мемлекеттік қызметке келмейді» деген әңгімені айтпас бұрын ...»

Сонымен қатар, сөз соңында «Мемлекеттік қызметке кел­мейді» деген әңгімені айтпас бұрын, келтіре алмай отырған өзімізді қарауымыз керек», -­ деді Нұргүл Жанназарова.

«Мемлекеттік қызметке орналасудың ашықтығы туралы әңгіме жүргізуіміз керек. Жалақы көлемі де еңбекке қарай төлену жобасы жүзеге аспақшы. Астана қаласы әкімдігі бастап факторлық баллдық жүйемен жалақы ала бастай­ды. Бұл – еңбегіне қарай жалақы алу. Содан кейін кезең-­кезеңмен барлық мемлекеттік қызметкерлерге өтеді. Маңғыстаудағы мемлекеттік қызмет саласындағы басты проблема­ – кадр тұрақсыздығы. Мемлекеттік қызметті себепсіз тастап кету, жұмыстан өз еркімен кету сияқты факторлар. Бұл жөнінде де жұмыс жасалып, шығу сұқбатымен жұмыс жасаудамыз. Ендігі жерде мемлекеттік қызметтен кетемін деушілер болса, өзім тілдесіп, себебін анықтайтын бола­мын», – дейді жаңадан тағайындалған басшы қайта сөз алғанда.

Жұмыссыз жастар аудан орталығынан курс ашуды сұрады

Семинар-­тренингтен кейін жұмыс тобы аудандағы жұ­мыспен қамту орталығы арқылы тіркеуде тұрған жұмыссыз жастармен кездесті. Онда жастарды мемлекеттік қызметке шақыру бағытында сөз алып, жүрексінбей, елге қызмет ету керек екендіктерін жеткізді. Жастар тарапынан тестілеуден қайта өту жөнінде сұрақтар қойылып, мемлекеттік қызметке өту үшін арнайы тестілеу бойынша даярлайтын курстарды аудан орталығынан ашуға ықпал ету туралы ұсыныс жасал­ды.

Түстен кейін аудандағы Форт-­Шевченко мектеп-­интерна­тында мемлекеттік көрсетілетін қызметтер жәрмеңкесі, аза­маттарды қабылдау және көшпелі бақылау ҚР Мемлекеттік қызмет істері және сыбайлас жемқорлыққа қарсы іс­-қимыл агенттігінің Маңғыстау облысы бойынша департаментінің бастамасымен және Түпқараған ауданы әкімі аппаратының ұйымдастыруымен Форт­-Шевченко қаласында «Мемлекет­тік көрсетілетін қызметтердің» жәрмеңкесі өткізілді. Жәр­меңкеде Түпқараған ауданы әкімдігінің бөлімдері, ауданға қарасты ауыл әкімдіктері және «Азаматтарға арналған үкімет «Мемлекеттік корпорациясы» КЕАҚ Маңғыстау об­лысы бойынша филиалы департаменттерінің бөлімдерімен өздерінің көрсететін қызметтеріне қатысты әзірлеген бейнероликтерді көрсету, брошюралар мен парақшалар тарату, баннерлерде қызмет алу рәсімдері бойынша көрнекі ақ­параттарды орналастыру, оның ішінде электронды қызмет түрлерін бір реттік құпия сөз және электронды цифрлы қолтаңба арқылы алу жолдары таныстырылды. Бұдан кейін департамент басшысы Н. Жанназаровамен және «Азамат­тарға арналған үкімет «Мемлекеттік корпорациясы» КЕАҚ Маңғыстау облысы бойынша филиалы департаменттерінің директорларымен бірлесіп ХҚКО департаментінің Түпқа­раған аудандық бөлімінің ғимаратында азаматтардың қо­ғамдық қабылдауы жүргізілді. Шара кезінде азаматтар «жа­сырын қызметтерді» мемлекеттік көрсетілетін қызметтердің Тізіліміне енгізу сияқты ұсыныс пікірлерін білдірді. Сонымен бірге, департамент басшысы Н. Жанназаровамен Түпқа­раған аудандық ішкі істер бөлімі, аудандық бөлімдер және аудандық әлеуметтік төлемдерді ведомство аралық есептеу орталығында көшпелі бақылау жүргізілді.

Милана ЕЛЕУСІНОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.