Маңғыстау инфляциясы жоғары аймақтар тізіміне енді

Ұлттық статистика бюросының мәліметінше, 2024 жылғы ақпанда Қазақстанда инфляция бір ай ішінде бәсеңдеп, 9,3%-ды (2024 жылғы қаңтарда – 9,5%) құрады. Ал наурыз айының басында инфляция 1,1%-ды (алдыңғы айда – 0,8%) құрады, деп хабарлайды mangystaumedia.kz сайты.

Жалпы алғанда, ақылы қызметтер бағасы бір жылда 12,8%-ға (2024 жылғы қаңтарда – 12,3%), азық-түлік емес тауарлар – 8,5%-ға (2024 жылғы қаңтарда – 8,6%), азық-түлік тауарлары – 7,4%-ға өсті.

Өңірлер бойынша 2024 жылғы ақпанда жылдық орташа республикалық деңгейден асатын инфляция деңгейі он облыста байқалды, оның ішінде ең жоғары Қарағанды ​​(11,5%), Шығыс Қазақстан (10,2%) және Маңғыстау (10%) облыстарында болды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.