Қарақия ауданының әкімдігі ардагерлерді мерекемен құттықтады

Қарақия ауданының әкімі Сымбат Төретаев Құрық ауылындағы бірқатар еңбек ардагерлері мен тылда еңбек еткен қарияларды жаңа жыл мерекесімен құттықтады, деп хабарлайды mangystaumedia.kz.

- Сіздерді келе жатқан жаңа жыл мейрамымен шын жүректен құттықтаймын. Жаңа жыл - жақсылық пен игіліктің бәрін алдағы уақыттан күтетін жақсы үміттің, халқымызды көл-көсір қуанышқа, шаттыққа бөлейтін мереке. Сіздердің жүріп өткен сара жолдарыңыз, ұрпақ үшін үлгі өнеге екені хақ. Шаңырақтарыңызға шаттық орнап, келер жылы берекелі, мерекелі жыл болғай! Немере-шөберлеріңіздің қызығына тоймай, аман - есен отыра беріңіздер! Мереке құтты болсын!-, деді аудан әкімі Сымбат Төретаев.

Ақсақалды аталар мен ақжаулықты аналар өздерінің алғыс-тілегін жеткізіп, елге амандық тілеп, баталарын берді.

Айта кетейік, аудан әкімінің бастамасымен аудан көлемінде «Ардагерлерді ардақтайық», «Жаңа жылдық қоржын» сынды игі істер өтіп жатыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.