Қарақия ауданында сервистік әкімдік ашылды

Жаңа сервистік әкімдікте мемлекеттік қызметтермен қоса, азаматтардың арыз-шағымдары, өтініштері қаралады. Кеңсе «бір терезе» қағидасымен жұмыс істеп, халыққа қызмет көрсетеді.

Сервистік әкімдіктің ашылуына Қазақстан Республикасы Сыбайлас жемқорлыққа қарсы іс-қимыл агенттігінің Превенция және парасаттылық басқармасының басшысы Қ.Бәйгебаев, Ақпараттық ағарту штабының жетекшісі А.Қонарбаев, «Маңғыстау-адалдық алаңы» жобалық кеңсесінің жетекшісі Д.Үсіпбаев, аудан әкімі Қ.Беков қатысты.

Ауданда осындай сервистік әкімдік ашудың мақсаты – азаматтардың мәселелерінің жылдам шешілуін қадағалап, жемқорлық деңгейін төмендету және ашықтықты қамтамасыз ету.

Аталған сервистік әкімдік талапқа сай жасалған. Онда кәсіби мамандар, Wi-Fi желісі, қызмет көрсету бұрышы, балалар алаңқайымен қамтамасыз етілген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.