Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Құрық ауылы әкімдігінде жарияланған конкурс негізінде ауыл көшелерін жарықтандыру жұмысы жүріп жатыр. Бұл туралы Құрық ауылының әкімі Ғабит Салихов мәлім етті. Оның айтуынша, ауыл көшелерін абаттандыру, жарықтандыру және жаяу жүргіншілердің қауіпсіздігін қамтамасыз ету бағытында заманауи энергия үнемдегіш LED шамдары орнатылуда.
«Конкурс нәтижесінде мердігер мекеме «МаңғыстауҚұрылыс» ЖШС көшелерге жарық шамдар орналастыратын 33 бағананы қойды. Ауыл ішін жарықтандыру жұмыстары Ардагер, Авиатор, Әлиев көшесінің қиылысынан «Құрық-Жетібай» тас жолының бойындағы Нұргелді мейрамханасына дейін жалғасады»,- деді Ғабит Салихов.
Алдағы уақытта ауыл көшелерін жарықтандыру жұмысы аясында толықтай заманауи LED шамдарына ауысу жоспарланып отыр.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.