Жетiбайда су резервуарының құрылысы аяқталды

Қарақия ауданының Жетібай ауылында «Аумақтарды дамыту» мемлекеттік бағдарламасы аясында жүзеге асып жатқан 3000 м³ су резервуарының құрылысы аяқталды. Бұл туралы Жетібай ауылының әкімі Қуаныш Асанов мәлім етті. Оның айтуынша, жоба құрылысы кезінде 20 адам жұмыспен қамтылды.

«Жетібай ауылында бұған дейін 4000 м³ су резервуары болды. Бірақ жаз мезгілінде кейбір шағын аудандарға су жетіспеуіне байланысты бюджеттен қаражат бөлініп, қосымша резервуар салу қажеттілігі туындаған. Нысан аумағына асфальт төселді. Аталған мәселені шешу мақсатында қосымша жаңадан 3000 м³ су резервуары салынды. Құрылыс жұмысын «Риг-Строй» ЖШС мердігер мекеме жүргізді», - деді ол.

Жетібай ауылындағы халық саны 13 216 адам. Елдімекенде 4 көп қабатты тұрғын үй және 2 616 аула бар. Жаз мезгілінде шеткі шағынаудандарда су тапшылығы сезіледі. Жаңа резервуар қолданысқа берілгеннен кейін су мәселесі шешіледі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.