Бейнеу ауылының Күйкен орта мектебіне қарасты бөбекжайда жаңа инклюзивті кабинет ашылды.
Кабинеттің ашылу рәсіміне «Nur Otan» партиясы аудандық филиалы төрағасының бірінші орынбасары Тұралы Жолышов, аудандық білім бөлімінің басшысы Шоқан Жаулиев және бөбекжай қызметкерлері қатысты.
Бұл - ерекше білім беру қажеттіліктері бар балаларды арнайы методикамен оқытатын кабинет. 2025 жылға дейінгі білім беруді дамыту тұжырымдамасында және ұлттық жобада көрсетілгендей инклюзивті кабинет жалпы білім беру үдерісін дамытудағы ең маңызды мәселелердің бірі. Кабинет жергілікті кәсіпкердің демеушілігімен жабдықталды.
-Қазіргі кезде бұл жерде арнайы білімі бар мамандар қызмет көрсетеді. Ерекше білім беру методикасына мұқтаж балаларға, яғни тілінің даму көрсеткіші нашар, ойлау қабілетінде ақауы бар балалар үшін өте қажетті кабинет. Жалпы аудан бойынша 3 орта мектепте, 7 балабақшада инклюзивті кабинеттер жұмыс жасап тұр. Бұл өте жақсы көрсеткіш. Алдағы уақытта барлық балабақшалар мен мектептерде инклюзивті кабинеттер жабдықтау жоспарымызда бар,- деді аудандық білім беру басқармасының басшысы Шоқан Жаулиев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
