«Студенттік көктем-2023» облыстық фестивалі қорытындыланды

Бір аптаға созылған «Студенттік көктем-2023» облыстық фестивалі өз мәресіне жетті. Маңғыстау облысы әкімінің орынбасары Ұлықбек Тналиевтің қатысуымен өткен гала-концертте жүзден жүйрік шыққан қатысушылар мен командалар марапатталды, деп хабарлайды mangystaumedia.kz «Ақтау студенттер Альянсы» КҚ баспасөз қызметі.

Байқауға кәсіптік-техникалық оқу орындарының күндізгі бөлімінде оқитын 600-ден аса студент белсенді қатысты. Олар спорттық жарыс бойынша шағын футбол, волейбол, баскетбол, үстел теннисінен сынға түсті. Сонымен қатар музыкалық қойылым бағыты бойынша өнер көрсетті.

Нәтижесінде шағын футбол турнирі бойынша 1-орынды Мұрын жырау Сеңгірбекұлы атындағы Маңғыстау жоғары педагогикалық колледжі иеленді. 2-орынға Маңғыстау туризм колледжі болса, жүлделі 3-орынды Каспий жоғары педогогика және салалық технологиялар колледжі қанжығаға байлады.

Ал волейбол спорттық жарысында Мұрын жырау Сеңгірбекұлы атындағы Маңғыстау жоғары педагогикалық колледжі үздік атанып, алға шықты. 2-орын Каспий жоғары педогогика және салалық технологиялар колледжіне бұйырды. 3-орынға Каспий өңірі “Болашақ” колледжі ие болды.
Ұлдар арасында өткен баскетбол турнирінде де Мұрын жырау Сеңгірбекұлы атындағы Маңғыстау жоғары педагогикалық колледжі үздік атанды. 2-орынға Н. Бекбосынов атындағы Маңғыстау энергетикалық колледжі ие болса, 3-орынды Ақтау қаласы шетел тідер колледжі алды.

Үстел теннисінен 1-орынды Мұрын жырау Сеңгірбекұлы атындағы Маңғыстау жоғары педагогикалық колледжі, 2-орынға Каспий өңірі “Болашақ” колледжі, 3-орынға Каспий жоғары педагогика және салалық технологиялар колледжі ие болды.

Жалпы барлық спорт түрлерінен жоғары ұпай жинап, «Үздік спорттық оқу орын» номинациясын Мұрын жырау Сеңгірбекұлы атындағы Маңғыстау жоғары педагогикалық колледжі иеленді. Жеңімпаз командаға спорттық дүкенге 150 000 теңге сертификаты табысталды, 2-орынға Каспий жоғары педагогика және салалық технологиялар колледжі ие болып, 100 000 теңге сертификатын алды. Ал 3-орын Каспий өңірі “Болашақ” колледжіне бұйырды және 50 000 теңге сертификаты беріледі.

Сонымен қатар Мұрын жырау Сеңгірбекұлы атындағы Маңғыстау жоғары педагогикалық колледжі музыкалық қойылым байқауында да көш бастап, 1-орын иегері атанды. Оқу орнына 150 000 теңге сертификаты табысталады. 2-орынға Маңғыстау өнер колледжі ие болып, 100 000 теңге сертификатын қанжығаға байлады. Ал 3-орын мен 50 000 теңге сертификатын Бейнеу гуманитарлық колледжі иеленеді.

Еске сала кетейік, «Студент көктемі – 2023» облыстық студенттік фестивалін 16-20 мамыр аралығында «Ақтау студенттер Альянсы» корпоративтік қоры Маңғыстау облысының жастар саясаты мәселелері жөніндегі басқармасының қолдауымен «Азаматтық бастамаларды қолдау орталығымен» бірлесе өткізді. Сондай-ақ Маңғыстау облысының білім басқармасы мен Маңғыстау облысының дене шынықтыру және спорт басқармасы қолдау көрсетті.

Шараның негізгі мақсаты – студент жастардың әлеуметтік әлеуетін арттыру және студенттік өмірге белсене араласатын жастарды, студентерді, студенттік топтарды анықтау. Сонымен қатар жастарды дене шынықтыру және спортпен жаппай жүйелі түрде шұғылдануға жұмылдыру болып отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.