_yjXKKyqnbWdOw3dYtRcUhdgQRjNUv6.jpg)
Бүгін, 16 қазанда облыс әкімі Нұрдәулет Қилыбай кезектілік тәртібімен жазылған азаматтарға жеке қабылдау өткізді, деп хабарлайды mangystaumedia.kz Маңғыстау облысы әкімінің баспасөз қызметіне сілтеме жасап.
Қабылдауға келген тұрғындардың басым бөлігі әлеуметтік бағытта көмек сұрап, денсаулық сақтау саласына, тұрғын үй, жұмыссыздық, ауыл аймағын абаттандыруға қатысты мәселе көтерді.
Әкім қабылдауларда көтерілетін мәселелер заң тәртібімен және кезең-кезеңімен шешілетініне ден қойып, жауапты сала басшыларына бірқатар тапсырмалар жүктеді.
Айта кетейік, тұрғындар облыс әкімінің қабылдауына egov порталы арқылы, е-otinish бірыңғай базасы немесе ХҚКО жазбаша өтініш жіберу арқылы жазыла алады.
Еске салсақ, жыл басынан бері облыс әкімі 36 жеке қабылдау өткізіп, 700-ге жуық тұрғынның өзекті мәселесін тыңдады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
