«Баспасөз – 2024» күні өтті

«Қазпошта» АҚ Маңғыстау облыстық филиалының 30 жылдығы қарсаңында осы мекемеде жұмыс жасаған ардагерлерге арналған арнайы тақта ашылды, деп хабарлайды mangystaumedia.kz

Шара пошта жазылушыларына арналған «Баспасөз – 2024» күнімен тұспа-түс келіп, басқосуға «Қазпошта» АҚ Маңғыстау облыстық филиалының ардагерлері, облыстық «Маңғыстау» және «Огни Мангистау» газеттерінің редакторлары, сондай-ақ жергілікті басылымдарға тұрақты жазылып жүрген оқырмандар қатысты.

-Мен Меңдібай Мыңжасарұлының немересімін. Атам осы мекемеде біраз жылдар жемісті еңбек атқарды. Қазіргі ұжымның атамыздың еңбегін бағалап, осындай құрмет көрсетіп жатқанына алғысым зор. «Қазпошта» ардагерлеріне ең басты байлық – денсаулық тілеймін, еткен еңбектеріңіздің жемісін көре беріңіздер. Ал мекеме қызметкерлерінің жұмысына табыс тілеймін, - деді тақтаның ашылуына қатысқан оқырман.

Меңдібай Мыңжасарұлы «Қазпошта» АҚ Маңғыстау облыстық филиалында 1948-1996 жылдар аралығы еңбек еткен. Қызмет ете жүріп басшы орынбасарына дейін көтеріліп, кейін осы жерден зейнеткерлікке шығады.
Тақтаға естелік фотосы ілінген тағы бір ардагер Майсан Қосманованың айтуынша, ол мұнда 1984-2010 жылдар аралығы үзбей еңбек еткен.

-Ардагерлерді ұмытпай, еңбегін бағалап, естелік тақта орнатқан филиалға көп алғыс айтамын. Жастық шақ, еңбек еткен кездер еске түсіп, көңілім толқыды, - деді Майсан Қосманова.

«Баспасөз – 2024» күні өткен шарада 55 ардагер облыстық газеттерге тегін жазылды.

Айта кетейік, «Қазпошта» Маңғыстау облыстық филиалында бүгінде 300-ден астам қызметкер еңбек етіп, 150-ден астам қызмет түрін ұсынады. Жойылып кетуі тиіс мамандықтар тізімінде пошташының кәсібі қазір бірінші тұратын сияқты көрінеді. Алайда басы-қасында жүрген мамандардың айтуынша, аймақта байланыстың бұл саласына деген сұраныс әлі де жоғары. Облыстық филиалдың бүінде қалалық және ауылдық елді-мекендерде 50 шақты бөлімшесі бар. Қаржылық операция-лар, тауарлар тасымалы, төлем¬дер, банктік қызметтің кейбір түр¬лері және тағы басқа қыз¬меттерді жүзеге асырады. Сонымен қатар, қыркүйек айынан бастап халыққа қызмет көрсету орталығының кейбір қызметтері де филиалға жүктеліп отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.