15-17 қазан күні Қарақия ауданының Құрық ауылында өткен халық батыры «Ер Шабай Қонысұлы» атындағы IV республикалық турнирде жаңаөзендік спортшылар Саян Нұржанұлы мен Базарбай Әбілхайыр «Спорт шеберлігіне үміткер» атағын алды, деп хабарлайды mangystaumedia.kz Қоғамдық коммуникация орталығына сілтеме жасап.
Дзюдо турнирі 2011-2012 жылы туылған кіші жасөспірімдер арасында өтті. Республикалық жарысқа Алматы, Алматы облысы, Қызылорда, Тараз, Ақтөбе, Орал, Атырау және Қырғызстан республикасынан командалар қатысты.
-Жарысқа қатысқан екі спортшымыз да ақтық сынға дейін 4 қарсыласын жеңді. Барлық қарсыластарын жеңу оңайға соқпады. Саян Нұржанұлы 26 кг салмақта, Базарбай Әбілхайыр 29 кг салмақта күресті. Екеуі де финалда қарсыластарына есе жіберіп, 2-орынға ие болды. Бірақ екеуі де «Спорт шеберлігіне үміткер» атағын орындады, - дейді спортшылардың бапкері Нұрбол Илумбаев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
