Жаңаөзендік спортшы Талдықорған қаласында өтіп жатқан дзюдо күресінен республикалық ашық турнирде үздік үштікке енді, деп хабарлайды mangystaumedia.kz Қоғамдық коммуникация орталығына сілтеме жасап.
Жарыс 2008-2010 жылғы кіші жасөспірімдер арасында ұйымдастырылды. Турнирге еліміздегі барлық облыстан спортшылары қатысты.
Турнир нәтижесі бойынша Ғалымжан Баздыбай 46 келі салмақта, жеті белдесу өткізді. Соның ішінде 120 спортшының арасынан үздік үштіктен көрініп, қола жүлдеге ие болды.
-Жарыс әлі де жалғасып жатыр. Спортшыларымыздан күтер үміт көп. Бәрі де кіл мықтылар. Топ жарамыз деп ойлаймын, - деді жаттықтырушылардың бірі Айтқали Мусаев.
Айта кетейік, спортшыларды жарысқа Айтқали Мусаев, Жанболат Орынбай, Марат Қапарбаев жаттықтырды. 16 қаңтар басталған жарыс 20 қаңтарға дейін жалғасады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
