Жаңаөзенде «Таза бейсенбі» экоакциясы ұйымдастырылды

Кеше «AMANAT» партиясының Жаңаөзен қалалық филиалының қызметкерлері «Таза бейсенбі» экологиялық акциясын ұйымдастырды, - деп хабарлайды mangystaumedia.kz.

Экоакция «Ақниет» саяжайында өтті. Акцияға партия филиалы қызметкерлері, қалалық мәслихат депутаттары, этнос өкілдері және «Жастар рухы» жастар қанатының белсенділерімен бірге саяжай аумағы қоқыстан тазартылды.

«Қоршаған ортаның жай-күйіне бәріміз жауаптымыз. Мұны естен шығаруға болмайды. Экологиялық мәдениетті қалыптастырып, табиғатты аялау - міндет. Мұны Президент әр маңызды отырыста қозғап, халықтың есіне салып жүр. Мәселен сәуірде өткен Қазақстан халқы Ассамблеясының 33-сессиясында бұл – бірреттік іс-шара емес екенін айтты. Ортақ іске әркім үлес қосса, еліміз көркейе түседі», - деді МО ІСБ Қоғамдық келісім кеңесінің Жаңаөзен қаласы бойынша төрағасы Темір Мусаев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.