Жаңаөзенде жолақысы 200 теңгеден басталатын такси іске қосылды

Енді Жаңаөзен қаласының тұрғындары Яндекс Go қолданбасы арқылы көлікке тапсырыс бере алады. Ал сервистің өзі геолокация қосылып тұрған кезде пайдаланушының орнын анықтап, тезірек келетін жүргізушіні табады, - деп хабарлайды mangystaumedia.kz сайты.

Бұл көлікті беру мен оның бос жүру уақытын қысқартады. Сапар құны 200 теңгеден басталады. Мысалы, Жаңаөзен сауда-ойын кешенінен Самал шағынауданына жету шамамен - 254 теңге, ал мешіттен Көктем шағынауданына дейін - 262 теңге.

Сервисте тәулік бойы жұмыс істейтін онлайн-қолдау қызметі бар. Қолданбада сұрақтар қоюға, мәселе туралы хабарлауға болады. Төлемді қолма-қол ақшамен де, қосымшаға байланған банк картасымен де жүргізуге болады.

“Яндекс Такси ірі қалалар мен облыс орталықтарын ғана қаржыландырмайды, біз шағын қала тұрғындарының таксиге тапсырыс берудің жылдам әрі ыңғайлы тәсіліне қол жеткізуін қалаймыз. Сервис қазір барлық облыс орталығында және республикалық маңызы бар қалаларда, сондай-ақ Екібастұз, Ақсай, Рудный, Теміртау, Қаскелең және Талғар қалаларында жұмыс істейді”, - дейді Қазақстандағы Яндекс Такси басшысы Тайыр Байдүйсен.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.