Жаңаөзенде жас жыршылар сайысы өтті

Жаңаөзен қаласына қарасты Теңге ауылында Махамбет Өтемісұлының туғанына 220 жыл толуына орай жас жыршылар сайысы өтті, деп хабарлайды mangystaumedia.kz қала әкімдігінің баспасөз қызметіне сілтеме жасап.

19 сәуір күні өткен сайысқа Жаңаөзендегі жалпы білім беретін мектептерден 14 жас жыршы қатысты. Байқау екі кезеңде өтті. 1-кезеңде Махамбет Өтемісұлының бір шығармасы орындалса, 2-кезеңде еркін тақырыпта бір шығарма орындалды.

Байқау қорытындысы бойынша бас жүлдені №23 ЖББМ қатысушысы Ақжарқын Абдирова алды. 1-орын – №3 ЖББМ қатысушысы Малик Аяжанға, 2-орын – №23 ЖББМ қатысушысы Гүлжайна Марқабайға бұйырды. Ал 3-орынды №6 ЖББМ қатысушысы Жақсыбай Ырысгүл мен №21 ЖББМ қатысушысы Ұлдана Ярашбаева иеленді. Қалған қатысушылар арнайы дипломдармен марапатталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.