Жаңаөзенде мұнай ұңғымасы өртенді

Әлеуметтік желіде мұнай ұңғымасы өртеніп жатқан видео тарады, - деп хабарлайды mangystaumedia.kz.

Видеода ауыр техника жүргізушісі ұңғыманың өртеніп жатқанын, көлігін оталдыра алмай тұрғанын айтқан.

- Қашу керек болып тұр, көлікті алып шыға алмай жатырмын. Көлікке тиіп кетпесе болар еді, - дейді видео авторы.

«ҚазМұнайГаз» АҚ баспасөз қызметі 4 ақпан күні сағат 11.52-де Жаңаөзеннің өндірістік аймағындағы №93 топтық қондырғының №4774 ұңғымасында өрт болғанын растады.

- Өрт бірден өшірілді. Мамандар ұңғымадағы резиналық тенттің өртенгенін хабарлады. Қазір өрттің шығу себебі анықталып жатыр. Зардап шеккендер жоқ, - деді «ҚазМұнайГаз» АҚ баспасөз қызметі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.