Жаңаөзен тұрғынынан атыс қаруы тәркіленді

9 қыркүйекте сағат 06:55 шамасында Жаңаөзен қаласында белгісіз азамат өз көлігінде атыс қаруын сақтап жүргені туралы жедел ақпарат келіп түсті, деп хабарлайды mangystaumedia.kz облыстық полиция департаментіне сілтеме жасап.

Сол күні сағат 07:09-да Жаңаөзен қаласындағы жолдардың бірінде «Тойота Хайс» көлігі тоқтатылды.

Тінту кезінде көліктің жолаушылар отырғышының төменгі бөлігінде ақ матаға оралған қару табылып, тәркіленді.

Полиция қызметкерлері 45 жастағы ер адамды күдікті деп анықтады. Аталған дерек Қазақстан Республикасы Қылмыстық кодексінің 287-бабының 2-бөлігі бойынша сотқа дейінгі тергеп-тексерудің бірыңғай тізіліміне тіркелді.

Өзге мәліметтер тергеу мүддесі үшін жарияланбайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.