Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Yessenov University студенті Оралбай Өтебай «Huawei ICT Competition 2023-2024 Kazakhstan» конкурсында ең жоғары балл жинап, Ұлттық финалының жеңімпазы атанды. Оралбай Өтебай 18-21 желтоқсанда Бахрейн қаласында өтетін Халықаралық байқауға Қазақстанның атынан қатысады, деп хабарлайды mangystaumedia.kz университеттің баспасөз қызметіне сілтеме жасап.
2023 жылдың қазан айында Қазақстанның 25 жоғары оқу орнынан 100-ден астам студент қатысқан «Huawei ICT Competition 2023-2024 Kazakhstan» ақпараттық-коммуникациялық технологиялар саласындағы таланттар алмасу бойынша өңірлік конкурс өтті.
ICT Competition – Huawei ICT Academy бағдарламасының маңызды элементтерінің бірі, ол АКТ саласында таланттарды дамытуға және мамандар даярлауға арналған. Байқау бүкіл әлем бойынша бірнеше жыл қатарынан өткізіліп келеді және бүкіл әлемнің студенттері мен мамандары арасында білім, тәжірибе және идеялар алмасу алаңына айналды.
Huawei ICT Competition Huawei ICT Academy студенттеріне және бүкіл әлем бойынша ICT Academy-ге қосылғысы келетін жоғары оқу орындарының студенттеріне арналған.
Осы байқау аясында Huawei студенттерге салауатты бәсекелестік пен идеялармен алмасу платформасын ұсынуға тырысады, осылайша олардың АКТ білімі мен практикалық дағдыларын арттырады, сонымен қатар жаңа технологиялар мен платформалар арқылы инновация қабілетін арттырады.
«Есептеу техникасы және бағдарламалық қамтамасыз ету» білім беру бағдарламасы бойынша оқитын Yessenov University студенті Өтебай Оралбай финалға өтті. АКТ жарысының ұлттық финалы 11 қарашада әл-Фараби атындағы Қазақ ұлттық университетінің базасында өтті, оған өңірлік байқаулардың жеңімпаздары қатысты.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.