Yessenov University студенті халықаралық байқаудан жүлделі оралды

23-26 мамыр аралығында Қытай Халық Республикасының Шэньчжэнь қаласында «Huawei ICT Competition Global Final 2023–2024» атты байқауы өтті. Байқауда Yessenov University студенті Оралбай Утебай 1-орын алды, - деп хабарлайды mangystaumedia.kz сайты.

Бұл туралы Yessenov University ректоры Берік Ахметов фейсбук парақшасына жазды.

- “Computing” бағытынан 36 команда қатысқан байқауда 1-орынды Қазақстан командасы – Yessenov университетінің «Ғылым мен технология» факультетінің студенті Утебай Оралбай мен Алматы энергетика және байланыс университетінің студенті Жиляков Николай иеленді. Ал “Cloud” бағытынан 37 команданың арасынан 1-орынға ел атынан Әл-Фараби атындағы ҚазҰУ мен SDU университеттерінің студенттері ие болды. Жоғары шеберлік танытқан дарынды студенттерімізді кезекті жеңісімен құттықтаймын және табыс тілеймін!" - деді Берік Ахметов.

Еске салайық, Оралбай Утебай былтыр желтоқсан айында Бахрейнде өткен «Huawei ICT Competition 2023-2024» халықаралық жарысында гран-при иегері атанған.

Жетінші рет өткізіліп отырған байқауға Қазақстан, Ирак, Оман, Сауд Арабиясы, Пәкістан, Иордания, Ливан, БАӘ, Бахрейн, Кувейт, Катар, Малайзия, Тайланд, Кения, Мысыр, Қытай және басқа да 90-нан астам мемлекеттің 2000 жоғары оқу орнынан 170 мыңнан астам студент қатысты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.