Төтеншеліктер өрт шарпыған дүкеннен 800 мың теңгелік тауарды алып шыққан

«Симба» дүкеніндегі өрт сағат 17:54-те оқшауланып, 18:38-де толықтай өшірілді. Өрт салдарынан көршілес кеңседегі 2 адам түтінге уланған, деп хабарлайды mangystaumedia.kz.

ТЖД кезекші пультіне 6 қазанда сағат 16:30-да 10 ш/а 1-ғимаратында орналасқан «Симба» балалар дүкеніндегі өрт туралы хабарлама түскен.

ТЖД күштері 2-дәрежелі жоғары шақырту бойынша жолданған. Төтеншеліктер дүкенде 40 шаршы метр төсектер, балалар арбасы, ойыншықтардың жанып жатқанын анықтаған.

- Өрт болған кезде дүкендегі 7 қызметкер мен 3 тұтынушы шығып үлгерген. 22 адам, оның ішінде 5 бала эвакуацияланды. Қызметкерлер дүкендегі 800 млн теңгелік тауарды алып шықты. ТЖД зерттеу-анықтау қызмет өрттің себебін анықтап жатыр, - деді Ақтау қаласы Төтенше жағдайлар басқармасы бастығының орынбасары Қабылет Ещанов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.