Тыйым салынған «бақша»: Полицейлер тұрғын үйде есірткі өсірген күдіктілерді ұстады

Жедел-іздестіру іс-шараларын жүргізу барысында 22 шағын ауданның бір үйінде екі күдікті ұсталды. Тінту нәтижесінде мекен-жай бойынша есірткіге ұқсас 17 бұта, екі дана жарықтандыру құрылғысы, 4 пакет тыңайтқыш анықталып, тәркіленді, деп хабарлайды mangystaumedia.kz облыстық ПД-не сілтеме жасап.

Маңғыстау облысы полиция департаменті Криминалдық полиция басқармасының қызметкерлері 31 және 41 жастағы күдіктілерді ұстады. Бұл факт ҚР ҚК 300-бабының 2-бөлігі бойынша Ақтау ҚП сотқа дейінгі тергеп-тексерудің бірыңғай тізілімінде тіркелген (құрамында есірткі заттары бар өсіруге тыйым салынған өсімдіктерді заңсыз өсіру). Өзге мәліметтер тергеу мүддесіне байланысты жария етілмейді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.