© Талант Құсайын
Ақтауда «Студент көктем-2023» облыстық студенттер фестивалі басталды. Алдымен өңірдегі оқу орындары арасында шағын футболдан турнир өтті, деп хабарлайды mangystaumedia.kz «Ақтау студенттер Альянсы» баспасөз қызметіне сілтеме жасап.
Аталған турнирді «Ақтау студенттер Альянсы» корпоративтік қоры "Student Life" гранттық жобасы аясында Маңғыстау облысының жастар саясаты мәселелері жөніндегі басқармасының қолдауымен «Азаматтық бастамаларды қолдау орталығымен» бірлесе ұйымдастырып отыр.
Турнирдің мақсаты - спортшылардың шеберлігін арттырып, студенттер арасында шағын футболды насихаттауға арналған.
Шағын футболдан турнирге өңірдегі 15 команда қатысты. Тартысты өткен ойында 1-орынды Мұрын жырау Сеңгірбекұлы атындағы жоғары педагогикалық колледжі иеленді. Ал 2-орынға Маңғыстау туризм колледжі ие болса, жүлделі 3-орынды Каспий жоғары педогогика және салалық технологиялар колледжінің командасы қанжығаға байлады.
Жеңімпаздарға арнайы диплом, кубоктар табысталды. Айта кетейік, шағын футболдың өтуіне Маңғыстау облысының білім басқармасы мен Маңғыстау облысының дене шынықтыру және спорт басқармасы да қолдау көрсетті.
Спорттық шаралар әрі қарай жалғасады. Ертең "Маңғыстау аренада" қыздар арасында волейболдан турнир өтеді. Шара сағат 10:00 басталып, студенттер құралған үздік команда анықталады.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
