Шетелдіктер шекарада есірткімен ұсталды

Өзбекстан азаматтарынан ерекше иісі бар өсімдік тектес заттар табылды, деп хабарлайды mangystaumedia.kz Маңғыстау облысы бойынша Мемлекеттік кірістер департаментіне сілтеме жасап.

22 қарашада «Тәжен» кеден бекетінде (Бейнеу ауданы, Қазақстан-Өзбекстан мемлекеттік шекарасы) іздеу итінің көмегімен бірлесіп бақылау жүргізу кезінде Орынбор – Күшкөпір бағытына жолға шыққан Өзбекстан Республикасының азаматынан 2 грамм ерекше иісі бар өсімдік заты анықталды. Оқиға сағат 01:45-те болған. Жолаушы 1991 жылы туған.

Сонымен қатар 1978 жылы туған тағы Өзбекстан Республикасының азаматы ұсталды.

- Сағат 03:50-де Ақтау-Шават бағытымен келе жатқан өзбек азаматынан жалпы салмағы 5 грамм шамасында ерекше иісі бар өсімдік заты анықталды, - дейді Маңғыстау облысы бойынша Мемлекеттік кірістер департаментінің баспасөз қызметі.

Айтуынша, бірінші жағдайда өсімдік заты оң аяқтың аймағында, екіншісінде күртешенің ішкі қалтасында табылды. Аталған фактілер бойынша одан әрі жедел-іздестіру шаралары жүргізілуде.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.