Өмірзақтағы сайлау учаскелері ашылды

Бүгін 25 маусым күні Өмірзақ ауылының әкімін сайлау өтіп жатыр, деп хабарлайды mangystaumedia.kz қала әкімдігінің баспасөз қызметіне сілтеме жасап.

Сайлау учаскелері өз жұмысын 7:00-де бастаған, дауыс беру кешкі 20:00 дейін жалғасады.

- Тұрғындар ауыл әкімін сайлауға белсене араласуда. Бүгін ауылымызда 3 сайлау учаскесі жұмыс жасап тұр. Оның екеуі, яғни №56 және №243 сайлау учаскелері №27 орта білім беру мектебінде орналасқан,- деді №243 сайлау учаскесінің төрайымы Дамен Нурбаева.

Айта кетейік, 2021 жылдың басында Мемлекет басшысы Қасым-Жомарт Тоқаев «Тәуелсіздік бәрінен қымбат» атты мақаласында ауыл, ауылдық округ, кенттердің және аудандық маңызға ие қала әкімдерінің сайлауы өтетінін айтқан болатын.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.