Бүгін облыс әкімі Нұрлан Ноғаев "Маңғыстау Медиа" ЖШС-ның ардагер журналисі Петр Долматовты мерейтойымен құттықтады. Қазақстанның құрметті журналисі, «Ерен еңбегі үшін» медалінің иегері, жүздеген тілшіні тәрбиелеген білікті басшы Петр Алексеевич 80 жасқа толды., - деп хабарлайды mangystaumedia.kz сайты.
Ардагер журналиске Маңғыстау облысы әкімінің арнайы құттықтау хатын Ақтау қаласы әкімінің орынбасары Әбілқайыр Байпақов табыстады. Сонымен қатар "Маңғыстау медиа" ЖШС басшысы Гүлмира Әбішева мен "Огни Мангистау" облыстық газетінің редакторы Марина Қалағанова құрметті журналисті құттықтап, ізгі тілегін білдірді.
Айта кетейік, Петр Долматов 1969 – 2002 жылдары «Огни Мангышлака» газетінің бөлім меңгерушісі, бас редактордың орынбасары қызметін атқарған. Шевченко қалалық партия комитетінің үгіт және насихат бөлімінің меңгерушісі, облыстық телерадиокомпаниясы төрағасының орынбасары, бас редакторы және «Вестник» газетінің редакторы, Маңғыстау облысы телерадиокомпаниясының төрағасы лауазымында болған.
2002 жылдан ұзақ уақыт облыстық «Огни Мангистау» газетіне редакторлық етіп, құрметті демалысқа шыққан.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
