Маңғыстаулық белгілі әнші Президенттің құттықтау хатын алды

ҚР Мәдениет және спорт министрі Асхат Оралов мемлекет басшысы Қасым-Жомарт Тоқаевтың атынан мәдениет, спорт және мұрағат ісі салаларының өкілдеріне құттықтау хаттарын табыс етті, деп хабарлайды сайт mangystaumedia.kz министрдің әлеуметтік желідегі парақшасына сілтеме жасап.

Министр хабарлағандай, бүгінде ведомствода 15 мыңға жуық адам жұмыс істейді, оның 10 мыңын әйелдер құрайды. Оның ішінде ұлттық мұрағат ұжымының 80 пайызы әйелдерден құралған.

Президенттың құттықтауын алған қызметкерлер арасында ҚР еңбек сіңірген қайраткері, танымал әнші Тамара Асар да бар.

"Халықаралық әйелдер күніне арналған осындай іс-шаралар еліміздің түкпір-түкпірінде өтуде. Әріптестеріміздің, аналарымыздың, әжелеріміз бен әпкелеріміздің еңбегін атап өту өте маңызды. Өйткені, олар өскелең ұрпақты тәрбиелеп қана қоймай, Қазақстанның дамуына елеулі үлес қосып жатыр. Олар елдің игілігі үшін жұмыс істейді. Барлық әйелдерді 8 наурыздағы керемет көктем мерекесімен тағы да құттықтаймын!",- деп жазды Асхат Оралов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.