Маңғыстауда шомылуға тыйым салынған аумақтар қандай?

Ескертуге қарамастан тыйым салынған арнайы аумақтарда суға түсетіндер саны азаяр емес, деп хабарлайды mangystaumedia.kz.

- Ақтау қаласында 3 тыйым салынған жер бар. Түпқараған ауданында 4, Қарақия ауданында 2, Мұнайлы ауданында 1 орынға түсуге тыйым салынған. Сондай-ақ, Ақтау қаласы бойынша: 4а-шағын ауданында орналасқан Caspian Rivera қонақ үйінен 5- шағын аудандағы Т.Г. Шевченко ескерткішінен төмен түсу бағытындағы жағалау аймағы,«Шора» су каналы, «МАЭК» ЖШС су каналының жағалау аймағы. Ал, Түпқараған ауданы бойынша: Ақтау - Форт- Шевченко тас жолының 43 шақырымы, 64 шақырымдағы «Голубая бухта», 86 шақырымдағы «Саура» аймағы, Форт-Шевченко қаласынан 20 шақырым жерде орналасқан «Тамшалы» жағалауы. Онымен қоса, Қарақия аумағы бойынша: «Жыланды» жерінен «Кендірлі» бағытына қарай және «Тоқмақ» жерінен Кендірлі бағытындағы жағалау. Мұнайлы бойынша: Батыр ауылдық округінің солтүстік-шығыста 7 шақырым қашықтықта орналасқан зиянды қалдықтары бар көл аумағы,- деді Маңғыстау облысы төтенше жағдайлар департаменті өкілі Рәтбек Демеуберген.

Маңғыстау облысы Төтенше жағдайлар департаменті судағы қауіпсіздікті сақтау, ата-аналардың балаларын қараусыз қалдырмау бойынша профилактикалық іс-шаралар жүргізуде. Алайда адамдардың жазғы мезгілде суға кетуі, тыйым салынған жерде суға түсу жағдайлары азаяр емес.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.