Сыбайлас жемқорлыққа қарсы қызметтің Маңғыстау облысы бойынша департаментінің сүйемелдеуіндегі құрылысы ұзаққа созылған 1200 орындық 2 мектептің құрылысы аяқталды, - деп хабарлайды mangystaumedia.kz
Бұл туралы ҚР Сыбайлас жемқорлыққа қарсы іс-қимыл агенттігінің өңір бойынша департаментінің баспасөз қызметі мәлімдеді.
Президенттің тапсырмасына сәйкес, Сыбайлас жемқорлыққа қарсы іс-қимыл агенттігі Жемқорлық тәуекелдері картасын жүзеге асыру аясында тапсырылуы кешіктірілген әлеуметтік нысандардың құрылысына мониторинг жүргізілуде.
«Жалпы Қазақстан бойынша Антикор бақылауға алған 156 объектінің 11-і Маңғыстауда орналасқан. Осыған орай, Маңғыстау облысының Сыбайлас жемқорлыққа қарсы іс-қимыл департаменті бюджет қаражатын игеру кезінде жемқорлық тәуекелдерін жою бойынша бірқатар профилактикалық іс-шаралар жүргізді. Нәтижесінде 3 жылдан астам уақытқа созылған 18 және 19А шағын аудандарында орналасқан 1200 орындық екі мектептің құрылысы аяқталды. Қалған объектілер бойынша мониторинг жүргізу сыбайлас жемқорлыққа қарсы еріктілердің қатысуымен жалғастын болады. Проблемалық объектілердің құрылысы Сыбайлас жемқорлыққа қарсы қызметтің ерекше бақылауында», - деп жазылған департамент таратқан ақпаратта.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
