Маңғыстау тұрғынынан 50 келі бекіре балығы тәркіленді

Маңғыстау облысы ТЖД табиғатты қорғау полициясының қызметкерлері СОБР және патрульдік полиция ротасының қызметкерлерімен бірге «Браконьер» жедел-алдын алу шарасы өтті. Шара аясында Ақтау-Форт-Шевченко тас жолының 39 шақырымында «Мазда» автокөлігі тоқтатылды, - деп хабарлайды mangystaumedia.kz облыстық полиция департаментіне сілтеме жасап.

Полицейлер көлікті тексеру барысында он бекіре балығын тәркіледі. Тәркіленген балықтың салмағы - 45 келі 650 грамм.

Полиция қызметкерлері 34 жастағы азаматты ұстады. Аталған дерек Қазақстан Республикасы Қылмыстық кодексінің 339-бабы (Өсімдіктердің немесе жануарлардың сирек кездесетін және құрып кету қаупі төнген, сондай-ақ тыйым салынған түрлерімен, олардың бөліктерімен немесе дериваттарымен заңсыз айналысу) бойынша сотқа дейінгі тергеп-тексерудің бірыңғай тізіліміне тіркелді.

Басқа мәліметтер тергеу мүддесі үшін жарияланбайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.