Маңғыстау тұрғындары Тамшалыдағы мұз сүңгілерді қиратып жатыр

Тамшалы шатқалы мұз сүңгілерімен және әдемі жартасымен танымал. Алайда, Тамшалыға саяхаттап барғандар табиғат туындысын әдейі бұзып жатыр. Ер адамның Тамшалыдағы мұз сүңгілерді сындырып жатқан видеосы әлеуметтік желіде тарады, деп хабарлайды mangystaumedia.kz.

Видео инстаграмдағы eco_safari_aktau парақшасында жарияланған. Әлеуметтік желі қолданушылары ер адамның әрекетіне наразы болды.

«Адам әдемі нәрсе істеу үшін жаратылған, бірақ кейбіреулері тек айналасындағылардың бәрін қиратуды, бұзуды, сындыруды біледі!», «Ал, ол мұны не үшін істеді? Біз сол жерге барып, осы сұлулықты көргіміз келген еді. А енді мұны не үшін істеді? Фото мен видео үшін табиғаттың сыйын бұзды», - деп жазды желі қолданушылары.

Айта кетейік, Тамшалыда мұндай мұз сүңгілер кейде бірнеше метр биіктікке жетеді. Облыс тұрғындары табиғаттың таңғажайып жаратылысын тамашалау үшін қыста бұл орынға арнайы барады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.