Маңғыстау полиция департаменті гарнизондық саптық жиын өткізді

Ішкі істер министрі полиция генерал-лейтенанты Ержан Саденовтің нұсқамасына сәйкес Маңғыстау облысы полиция департаментінің жеке құрамы және ҚР Ұлттық ұлан қызметкерлері күшейтілген режимде қызмет атқаруда, - деп хабарлайды mangystaumedia.kz сайты.

Осы ретте ведомство бастығының бірінші орынбасары полиция полковнигі Б.Ақшауовтың қатысуымен гарнизондық саптық жиын өткізілді.

— Баршаңызды департамент басшылығы атынан Қазақстан Республикасы тәуелсіздігі күні мерекесімен шын жүректен құттықтаймын. Деніңізге саулық, қызметтеріңізге табыс, отбасыңызға амандық тілеймін. Мереке күндері ел тыныштығы үшін қоғамдық қауіпсіздікті қамтамасыз етуіміз қажет, - деді Болатбек Ысқақұлы өз сөзінде.

Саптық жиын барысында жеке құрамға нақты тапсырмалар берілді.

Айта кетейік, саптық жиынның мақсаты - қоғамдық тәртіп пен азаматтардың қауіпсіздігін қамтамасыз ету, жол қозғалысын қадағалау, құқық бұзушылықтар мен қылмыстардың алдын алу, болдырмау.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.