31 қаңтар күні Маңғыстау облыстық білім басқармасында әлеуметтік медициналық сақтандыру мәселелеріне арналған интернет конференция өтті. ZOOM платформасында өткен жиынға «Әлеуметтік медициналық сақтандыру қоры» КЕАҚ Маңғыстау облысы бойынша филиалының өкілдері, Маңғыстау облыстық білім басқармасы басшысының орынбасары және басқармаға қарасты қала, аудан білім бөлімінің мамандарынан құралған барлығы 300 астам адам қатысты, деп хабарлайды mangystaumedia.kz сайты Маңғыстау облысы білім басқармасының баспасөзіне сілтеме жасап.
Күн тіртібінде МӘМС жүйесіне аударымдар мен жарналарды төлеу қағидалары түсіндірілді. МӘМС жүйесі – азаматтардың сапалы өмір сүру қағидаты мен тиімді медициналық көмекке қол жеткізудің негізгі жолы. Бұл ретте жұмыс беруші қызметкердің денсаулығын сақтандыру мақсатында МӘМС жүйесіне тұрақты түрде аударымдар жасау маңызды.
Атап айтқанда, «Міндетті әлеуметтік медициналық сақтандыру туралы» Заңның 30-бабының 1-тармағына сәйкес жұмыскерлердің, оның ішінде мемлекеттік және азаматтық қызметшілердің аударымдарын немесе жарналарын есептеуді және аударуды ай сайын жұмыс беруші жүргізеді.
Яғни, заңға сәйкес жұмыс берушілер жалақының– 3%, қызметкерлердің айлығынан – 2% МӘМС жүйесіне ай сайын төлем жасауы керек.
Егер демалыс бірнеше кезеңді (бір айдан астам) қамтыса, төлемдерді МӘМС-ке әр айға бөлек-бөлек бөліп төлеу қажет екені туралы айтылды.