Маңғыстау облысы еліміз бойынша туу көрсеткіші бойынша көш бастады

Ұлттық статистика бюросы 2023 жылғы қаңтар-наурыздағы демографиялық жағдай туралы мәлімдеді, деп хабарлайды mangystaumedia.kz.

2023 жылғы 1 сәуірдегі жағдай бойынша халық саны 19 832 737 адамды құрады. Оның ішінде қала тұрғындары – 12 259 453, ауыл тұрғындары – 7 573 284 адамға жеткен.

Биылғы жылдың бірінші тоқсанында Қазақстанда 93,5 мың бала дүниеге келге (2021 ж.-100,4 мың, 2022 ж. – 95,6 мың), оның ішінде 48,4 мыңы – ұлдар, 45,1 мыңы – қыз балалар.

Туу коэффициенті 1000 адамға шаққанда 19,06 шамасыда. Аталған кезеңде қайтыс болғандар саны 32,6 мың адамды құрады (2021ж. – 36,1 мың, 2022ж. – 38,1 мың), бұл ретте 1000 адамға шаққанда өлім-жітім коэффициенті – 6,65. Нәтижесінде халықтың табиғи өсімі 2023 жылдың 3 айында 60,9 мың адамды құрады.

Туудың ең жоғары деңгейі Маңғыстауда 1000 тұрғынға 26,31 адамнан келеді. Ал Түркістан (25,59) облыстарында және Шымкент қаласында (24,37) байқалған.

Өлім-жітімнің ең жоғары деңгейі Солтүстік Қазақстан (1000 тұрғынға шаққанда 11,53), Шығыс Қазақстан (11,12) және Қостанай облыстарында (10,81) байқалды, бұл осы облыстар халқының жас құрылымына байланысты. 3 айда 1 жасқа дейінгі 728 нәресте қайтыс болды, 1000 тууға шаққанда нәресте өлімінің коэффициенті 7,78 құрады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.