Құрық портындағы «Саржа» көпфункционалды теңіз терминалы жүктерді ауыстырып тиеуді бастады

Бұл туралы вице-премьер Серік Жұманғариннің төрағалығымен өткен Үкіметте трансшекаралық хабтарды дамыту мәселелері жөніндегі жедел жұмыс тобының отырысында белгілі болды, деп хабарлайды mangystaumedia.kz сайты ҚР Сауда және интеграция министрлігіне сілтеме жасап.

2023 жылдың қыркүйек айының соңында Маңғыстау облысының Құрық портындағы «Саржа» көпфункционалды теңіз терминалының (КТТ) бас жүк терминалында жүктің бірінші партиясы қабылданды, ал қазан айының соңына қарай жалпы салмағы 4,5 мың тонна кемеге тиелген металдың жөнелтуі жоспарлануда. Осылайша, Құрық портының жаңа терминалдық қуаттары іске қосылуда.

Құрық портындағы «Саржа» КТТ құрылысының жобасын бірнеше жыл қатарынан қазақстандық SEMURG INVEST девелопер-компаниясы жүргізеді. Қазір барлық жер жұмыстары аяқталды, теміржол кірме жолдары, екі айлақ және жалпы жүк терминалы салынды. Бүкіл жоба бірнеше терминалдардың (астық, жалпы, құйма жүктер, әмбебап) және көлік-логистикалық кешеннің құрылысын қамтиды.

Отырыста SEMURG INVEST ЖШС Бас директоры Нұржан Марабаев атап өткендей, 2030 жылға қарай «Саржа» ККТ барлық терминалдарының құрылысын аяқтау орта дәліздің өткізу қабілетін жылына 10 млн тоннаға дейін арттыруға мүмкіндік береді.

Сонымен қатар Каспий көлік-логистикалық торабының бөлігі болып саналатын Ақтау теңіз портында контейнерлік хабтың құрылысы жүргізілуде. Контейнерлік хаб 19 га жер учаскесі көлемінде резервіленген «Ақтау теңіз порты» арнайы экономикалық аймағы базасында құрылмақ. Құрылыстың аяқталуы 2025 жылдың екінші тоқсанында жоспарлануда. Бұл Транскаспийлік халықаралық көлік маршруты (ТХКМ) арқылы жүк тасымалын дамытып, Қытайдан Еуропаға бағыт алған транзиттік жүктің бір бөлігін Транскаспийский бағдарына қайта бағыттауға және де «Түркіменбашы - Ақтау - ҚХР» контейнерлік тізбекті дамытуға мүмкіндік бермек.

ҚТЖ ҰК АҚ мәліметі бойынша, Қытайдың Ляньюньган теңіз порты контейнерлік хаб құрылысына инвестиция салуға мүдделі. Қытай портында тәулік сайын Қазақстанға қарай 2 контейнерлік пойыз жасақталады. Болашақта Сианьдағы қазақстандық құрғақ порттың құрылысымен Ляньюнган арқылы Қазақстанға тауарлардың жүк ағыны айтарлықтай артады.

Каспий торабының толық жұмысы үшін Бейнеу – Маңғыстау темір жол учаскесінің өткізу қабілетін арттыру қажет. Қазіргі уақытта ҚТЖ-да «Челябинск-Болашақ» теміржол магистраліндегі «тар жерлерді» жою бағдарламасы әзірленді, оның бір бөлігі «Бейнеу-Маңғыстау» учаскесі болып табылады. Қосымша жеті бөлек пункт пен екі жолды ставкалардың құрылысы жоспарланған. Осы шаралар тасымалдаудың күрделі учаскілерін жоюға жеткілікті болмақ.

«Еуразияның көлік қаңқасының негізгі болып саналатын және ЕАЭО елдері мен бақылаушы елдерді, мысалы Өзбекстан сияқты бақылаушы елдерді байланыстыратын Солтүстік-Оңтүстік халықаралық дәлізінің болашағы зор. Бұл Еуразиялық өнеркәсіптік кооперацияны дамытуға және Қазақстанды логистикалық хабқа айналдыратын жер, міне осындай міндеттерді Мемлекет басшысы алдымызға қойған еді», - деп атап өтті Серік Жұманғарин.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.