Hyrasia One және Саржа теңіз терминалы ынтымақтастық туралы келісімге қол қойды

Брюссельде өтіп жатқан Global Gateway форумына қатысу аясында Hyrasia One және Semurg Invest, Құрық портындағы "Саржа" көпфункционалды теңіз терминалы арқылы жасыл сутегі амиак экспорттау саласында ынтымақтастық туралы келісімге қол қойды, деп хабарлайды mangystaumedia.kz сайты Қоғамдық коммуникация орталығына сілтеме жасап.

Қол қою рәсімінде Hyrasia One компаниясының Бас директоры Вольфганг Кропп және Semurg Invest-тің Бизнесті дамыту жөніндегі директоры Мадина Анет, сондай-ақ Қазақстанның Бельгия Корольдігі, Люксембург Ұлы Герцогтігіндегі Төтенше және Өкілетті Елшісі Марғұлан Баймұхан және көлік министрі Марат Қарабаев қатысты.

Келісім шеңберінде Каспий теңіз жолы бойынша жасыл сутегіні өндіру жөніндегі жобаны іске асыру нәтижесінде алынатын өнімнің бір бөлігін сақтау және халықаралық нарықтарға экспорттау мүмкіндігі қаралады. Сондай-ақ Hyrasia One портқа дайын өнімді жеткізу үшін бірқатар инфрақұрылымдық нысандар салуды жоспарлап отыр.

-Келісім бізге бүкіл әлем бойынша көлік қуаты мен тасымалдау мүмкіндіктерін одан әрі дамытуға мүмкіндік береді. Еуропа үшін Транскаспий бағыты өте маңызды. Deutsche Bahn компаниясы өз зерттеулерінде бұл бағыт Hyrasia One кәсіпорындарынан ЕО-ға дейін жылына 11 млн. тоннаға дейінгі барлық көлемді тасымалдауға қабілетті екенін дәлелдеді. Теміржол немесе теміржол және теңіз көлігімен біріктірілген басқа тасымалдау маршруттары да қарастырылуда. Басқа да әлеуетті нарықтарға - Азияға, Таяу Шығысқа және басқа елдерге шығу үшін Құрық портын жаһандық сутегі терминалы ретінде қалыптасу зор маңызға ие, - деп атап өтті Вольфганг Кропп.

Келісімді іске асыру үшін порт инфрақұрылымы көлемі жылына 11 млн.тоннаға дейінгі өнімді ауыстырып тиеуге арналған тиісті қуаттарды қамтамасыз ету тиіс. Осыған байланысты Semurg Invest компаниясы Құрық портында әмбебап терминал салмақ.

-Біз бұл ынтымақтастық туралы келісімнің Құрық портының өсу әлеуетін нығайту жолындағы маңызды қадам екеніне сенімдіміз және Semurg Invest компаниясы "Саржа" КТТ портфелінде терминал салу бойынша жаңа жобаны ұсынғанына қуанышты. Hyrasia One жобасымен бірге Каспий теңізіндегі және Транскаспий бағыты бойынша жасыл сутегі/аммиак экспорты бойынша Semurg Invest-тің бірінші терминалы Қазақстанды әлемдік ауқымдағы "жасыл" жобалар картасына шығара отырып, осы қосылған құн тізбегіндегі негізгі рөлдердің бірін атқаратын болады, - деді Semurg Invest компаниясының Бизнесті дамыту жөніндегі директоры Мадина Анет.

Айта кету керек, бүгінгі таңда Hyrasia One жобасы Deutsche Bahn AG компаниясымен бірлесіп, Еуропаға өнім экспорттаудың ықтимал бағыттарын талдауды аяқтады. Сарапшылардың айтуынша, бүгінгі таңда тасымалдаудың перспективалық жолдардың бірі - транскаспий бағытын, яғни, Қазақстандағы Құрық, Әзірбайжандағы Алят, Грузиядағы Кулеви және Германиядағы Вильгельмсхафен порттары арқылы өтетін бағытын атап отыр. Оның жалпы ұзындығы 8700 км-ден асады, ал жеткізу жылдамдығы 25 күн құрайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.