Көпбалалы отбасыларға балабақшада қандай жеңілдіктер қарастырылған?

Маңғыстау облысының әкімдігінің телеграм арнасына өтінішін жолдаған ата-ана балабақшаларда көпбалалы отбасының балаларына қандай жеңілдіктер қарастырылатынын сұрады, - деп хабарлайды mangystaumedia.kz.

Облыстық білім басқармасы мемлекеттік мектепке дейінгі білім беру ұйымдарында тәрбиеленушілердің мынадай санаттарына тегін тамақтандыру ұйымдастырылатынын айтты.

Олар:

1) жетім балалар мен ата-анасының қамқорлығынсыз қалған балалар;

2) даму мүмкіндіктері шектеулі балалар, мүгедектігі бар адамдарға және бала кезінен мүгедектігі бар адамдарға, мүгедектігі бар балалар;

3) атаулы әлеуметтік көмек алуға құқығы бар отбасылардан шыққан балалар;

4) мемлекеттік атаулы әлеуметтік көмек алмайтын, жан басына шаққандағы орташа табысы ең төмен күнкөріс деңгейінен төмен отбасылардан шыққан балалар.

«Тегін тамақпен қамту үшін ата-аналар көрсетілген санаттарды растайтын құжаттарды балабақша әкімшілігіне тапсыруы қажет», - деді облыстық білім басқармасының баспасөз қызметі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.