Қызан ауылында жаңа әкімшілік ғимараты қолданысқа берілді

Маңғыстау ауданы Қызан ауылында жаңа әкімшіліктің ашылу салтанаты өтті, деп хабарлайды mangystaumedia.kz.

Қоғамдық коммуникация орталығының хабарлауынша, салтанатты іс-шараға Маңғыстау облысы әкімінің орынбасары Тілеген Әбішев, Маңғыстау ауданы әкімі Ғалымжан Ниязов пен ауыл ақсақалдары қатысты.

- Жаңа ғимарат ауылдың әлеуметтік-экономикалық дамуына серпін беретін оң шешімдер қабылданатын орта болады деп сенеміз. Әрдайым халық пен билік байланысын бекітетін ашық алаңға айналарына үміттіміз . Өйткені, қазір біз ашық, әділ әрі есеп беретін үкіметті жасақтап жатырмыз. Жаңа әкімшілік ғимараттың халыққа пайдасы зор болғай! - деді Тілеген Әбішев.

Әкімшілік ғимараты 4 айдың ішінде салынған. Құрылысқа 117 млн теңгеден астам қаржы бөлінген. Жалпы аумағы 200 шаршы метрді құрайды. Бұл жерде 30-ға жуық маман жұмыс жасайтын болады. Айта кетейік, ескі әкімшілік ғимаратына 50 жыл толған еді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.