Қарттарым, аман-саумысың? Ақтаулық депутаттар қарттар үйіндегі қамкөңіл қариялармен жүздесті

Ақтау қалалық мәслихатының депутаттары № 2 арнаулы әлеуметтік қызмет көрсету орталығындағы қариялардың жағдайымен танысып, оларға мерекелік кеш ұйымдастырды, - деп хабарлайды mangystaumedia.kz.

Қарттарға көтеріңкі көңіл-күй сыйлаған мерекелік шарада концерттік қойылымдар ұйымдастырылып, танымал әндерден попури шырқалып, ақ дастархан жайылды. Қариялармен түрлі тақырыптарда әңгіме өрбіді.

- Сіздерді Наурыз мерекесімен құттықтаймыз. Сіздерге зор денсаулық, мол бақыт тілейміз. Еліміз аман болсын, - деді Ақтау қалалық мәслихатының төрағасы Сембіғали Зәкенов.

Қазіргі уақытта орталықта 100-ге жуық қария бар. «Көңіл көңілден су ішеді» демекші, шара соңында қарттар үйіндегілер арнайы сыйлап келіп құттықтаған, осы арқылы елдігімізді танытып, көңіл-күйлерін көтерген, мәслихат депуттартарына алғаусыз алғыстарын айтып, ақ баталарын берді.

Қалалық мәслихат төрағасының айтуынша, осындай игі бастамалар алдағы уақытта да жалғасын табады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.