Ақтау қалалық кәсіпкерлік және ауыл шаруашылығы бөлімі қала әкімдігінің 2024 жылғы 6 наурыздағы №11-07-626 «Ақтау қаласында стационарлық емес сауда объектілерін орналастыру орындарын айқындау және бекіту туралы» қаулысына сәйкес маусымдық сауда орындарына құжаттар қабылдайды, деп хабарлайды mangystaumedia.kz Ақтау қалалық әкімдігінің баспасөз қызметіне сілтеме жасап.
Жергілікті ауыл шаруашылығы өнімдерін өсіретін шаруа қожалықтарының өкілдері жеміс-жидек, бау-бақша өнімдеріне, жеке және заңды тұлғалар балмұздақ, жүгері, алкоголсіз сусындар мен квас сату бойынша өтініш тапсыра алады. Құжаттар 22 сәуірден бастап 3 мамырға дейін (10 жұмыс күні ішінде) сағат 09:30-12:00 және 14:30-17:00 аралығында 4 шағын аудан 72 ғимарат Ақтау қаласы әкімдігінің қызмет көрсету орталығында қабылданады.
- Өтініш, жеке куәлік көшірмесі, жеке кәсіпкерлікті куәландыратын куәлік көшірмесі, салық органында қарызы жоқ туралы анықтама болуы керек, - делінген әкімдік хабарламасында.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
