ХҚКО-ның мереке күндеріне арналған жұмыс кестесі

6 шілде күні Астана күніне байланысты орталықтар жұмыс істемейді. Дүйсенбі, яғни 8 шілдеде азаматтарды тек кезекші ХҚКО-лар мен МХҚКО-лар сағат 9:00-ден 13:00-ге дейін қабылдайды, - деп хабарлайды mangystaumedia.kz сайты орталықтың баспасөз қызметіне сілтеме жасап.

9 шілдеден бастап барлық халыққа қызмет көрсету орталығы әдеттегі кестеге сай жұмыс істейтін болады.

Еске салайық, орталықтар азаматтарды жұмыс күндері сағат 9:00-ден 18:00-ге дейін қабылдайды. Кезекші ХҚКО дүйсенбіден жұмаға дейін 9:00-ден 20:00 аралығында және сенбі күні 9:00-ден 13:00-ге дейін жұмыс істейді. Кезекші мамандандырылған ХҚКО-лар жұмыс күндері сағат 9:00-ден 18:00-ге аралығында, сенбі күні 13:00-ге дейін қызмет көрсетеді.

Орталықтарға кезекті «ХҚКО» және «eGov mobile» қосымшалары, egovkzbot2.0 телеграм-боты, сондай-ақ 1414 нөмірі арқылы брондауға болады.

Кезекші орталықтардың мекенжайымен https://t.me/gov4c_resmi/993 сілтемесіне өтіп, таныса аласыз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.