Дәрігер Жетібайда пышақталған ағалы-қарындастың қазіргі жағдайы туралы айтты

Бұл туралы Жетібай ауылдық хирургиясының меңгерушісі Жамбыл Хасан мәлімдеді, деп хабарлайды mangystaumedia.kz.

Пышақталған ағалы-қарындас ауруханаға 23 қаңтар күні түнгі сағат 03:00 де жедел жәрдеммен жеткізілген.

Олар өте ауыр жағдайда болғандықтан бірден операция жасалған.

"19 жасар ер балада кеуде қуысының көптеген кесілген пышақ жарақаты, сол жақ өкпенің пышақпен тесіп еңген жарақаты, гемопневматоракс жарақаттан кейінгі шок, геммороргиялык шок 1-2 дәрежесі, бел аймағының көптеген кесілген жарақаты диагнозы нақтыланып, науқасқа шұғыл түрде ота жасалды. Науқасқа сол жақты өкпенің торакотомиясы отасы жүргізіліп зақымданған өкпеге тігіс салынды. Бюлау әдісі бойынша сол жақты, оң жақты плевра қуысына дренаж қойылды", - дейді дәрігер Жамбыл Хасан.

"Ал 12 жастағы қыз баланың келіп түскендегі алғашқы диагноз: іш аймағының пышақпен кесілген еңген жарақаты, гемоперитонеум көптеген бет аймағының, оң және сол қол аймағының кесілген жарақаты, жарақаттан кейінгі гемороргиялык шок 1/2 дәрежесі. Науқасқа шұғыл ота жасалып, асқазан кесілген тесілген жарақатына тігіс салынып дренаждалды. Қазіргі таңда науқастардың жағдайы тұрақты, орташа ауыр», - деді дәрігер.

Ота жасауға Жетібай ауылдық ауруханасының бас дәрігері Берік Каунов , хирург Жамбыл Хасан, анестезиолог Азат Кадиров, ассистент Қалдыбай Нұрадинов қатысты.

Айта кетейік, Жетібайда көршісі кәмелетке толмаған қызды зорламақ болған және ағасы екеуін өлтіруге оқталған. Күдікті қамауға алынды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.