Еліміз бойынша өтіп жатқан Парламент Мәжілісі мен түрлі деңгейдегі мәслихаттардың депутаттарын сайлау Маңғыстауда жергілікті уақытпен таңертеңгі сағат 7.00-де басталды. Ақтау қаласындағы №28 орта мектептің қазақ тілі мен әдебиеті пәнінің мұғалімі Айжан Мақанова әріптестерімен бірге №53 сайлау учаскесінде дауыс берді, деп хабарлайды mangystaumedia.kz.
Айжан Болақбайқызы сайлау сайын дауыс беруге үнемі баратынын айтады. Өз таңдауын жасаумен қатар, ел болашағы үшін дауыс берген педагог өз пікірін білдірді.
- Сайлау сайын дауыс беруге үнемі келемін. Әрбір қазақстандық азаматтың дауыс беруі елдің болашағы үшін аса маңызды деп білемін. Кәмелет жасына толғалы бері бұл мен үшін қалыптасқан қағида. Әріптестерімізбен бірге бүгін дауыс беріп, өз таңдауымызды жасадық. Жалпы, сайлауға барудың маңызын елдің әр азаматы сезініп, оған үлес қосуы міндетті. Елімізде дауыс беруге әр азамат құқылы және мұны назардан тыс қалдыруға болмайды. Бұл күні біз тек сайлау учаскесіне барып дауыс беріп қана қоймай, жаңа саяси күштің қалыптасуына және өзгерістер үдерісінің іске қосылуына ықпал етеміз деген ойдамын. Сайлауға түсіп жатқан әрбір адамды танимыз, әрқайсысын жеке білеміз. Олардың қандай жұмыстар атқарып жатқанын білгендіктен оларды қолдауды өзімнің бір парызым деп санаймын, - деді мұғалім Айжан Мақанова.
Айжан Мақанова сайлауға қатысқалы бері биылғы саяси науқанның өзіндік ерекшелігіне де мән берген. Себебі, бұған дейін ол мұндай бәсекеге толы, көппартиялы сайлауда дауыс бермеген екен.
Маңғыстау облыстық блыстық сайлау комиссиясының мәліметі бойынша ҚР Парламент Мәжілісі мен барлық деңгейдегі мәслихаттар депутаттарының кезектен тыс сайлауында 8 аумақтық, 118 округтік және 247 учаскелік сайлау комиссиялары жұмыс жұмысын бастаған көрінеді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
