Ақтаулық оқушы халықаралық байқауда топ жарды

Мәскеу қаласында өтіп жатқан халықаралық балалар мен жөсөспірімдер байқауында IT-лицейдің оқушысы Аслима Шакхат «Ұлттық аспаптар» номинациясы бойынша 1-орын алды, - деп хабарлайды mangystaumedia.kz сайты Ақтау қалалық білім бөлімінің баспасөз қызметіне сілтеме жасап.

Аслима Шакхат Атырау қаласында өткен «Жас толқын» аймақтық байқауында топ жарып, Мәскеудегі халықаралық конкурсқа жолдама алған.

- Мәскеуде өткен халықаралық байқауға 4 ай дайындалдық. Аслима бас жүлдеге ие болды. Қазір ол Өнер колледжіне түсуге дайындалып жүр. Ал бұл байқаудың демеушісі «Каспий құбыр консорциум» АҚ алғыс айтамыз, - дейді жетекшісі Айтолқын Амангелді.

Сонымен қатар Аслиманың жетекшісі Айтолқын Амангелді де алғыс хатпен марапатталды.

Айта кетейік, Аслима Шакхат - Абыл Тарақұлы атындағы балалар өнер мектебінің шәкірті. Қазіргі кезде жетіген класының 5-сыныбында оқиды. Бұған дейін де қалалық, облыстық және республикалық жарыстарда жеңімпаз атанып жүр. Жетігеннен бөлек, скрипка және фортепианода ойнайды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.