Ақтауда сенбілік кезінде кәсіпкерлер жәрмеңкесі өтті

Іс-шара «Таза Қазақстан» акциясы аясында өткізілді, деп хабарлайды mangystaumedia.kz.

Сенбілік кезінде жағалауда шағын және орта бизнестің кемінде он нысаны шоғырланған: «Берекет Ф» ЖШС, «Ақ Нек» сүт зауыты, «Ақ нан» -тоқаш зауыты, макарон фабрикасы және т.б.

«Іс- шарада бірлік рухы, көтеріңкі көңіл-күй қатты сезілді. Жергілікті билік өкілдері ұйымдастырған сенбілік әркім өзін қажет және маңызды сезінетін керемет іс-шараға айналды. Бұл іс-шара кәсіпкерлерді біріктірді. Өйткені біз өзіміздің сүт, нан-тоқаш өнімдерін, жемістерді, макарон өнімдерімізді таныстыра алдық. Тазалық бізден, отбасымыздан және балаларымыздан басталады. Қаланы жақсы көрейік, оны қорғайық және оған қамқорлық жасайық», - дейді «Берекет Ф» компаниясының өкілі, кәсіпкер Анара Күлчикова

Кәсіпкерлер тек жәрмеңкеге келген жоқ, қаладағы тазалық жұмыстарына өз үлестерін қосты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.