Ақтауда қоқыс жәшігінің жанында намаз оқып жатқан жігіттің видеосы тарады

Әлеуметтік желіде 32Б шағынауданындағы қоқыс жәшігінің жанында намаз оқып жатқан жігіттің видеосы тарады, - деп хабарлайды mangystaumedia.kz.

Видеожазба иесінің айтуына қарағанда, ішімдік ішіп алған жігіт әртүрлі сылтау айтып, пәтерлердің есігін қағып қайыр сұрайды. Кейде есігі ашық тұрғын пәтерлерге кіріп кетеді.

- Осы кісі үйімізге кіріп кетіп жүр. Үйде балаларымыз болады. Құдай сақтасын, қорқамыз. Өзі мас. Басында өзіміз көмек беріп, жаман үйреткенбіз. Осымен 5 рет біздің подьездімізге келді. Есік алдында ұл-қыздарымыз ойнап жүр, қорқамыз. 102-ге хабарласуымыз керек пе, кімге айтсақ болады? – дейді шағымданушы тұрғын.

Бұған дейін, қолына жайнамаз ұстап алған осы мас жігіт жетімдер үйінен екенін, жақындасы қарындасы қайтыс болғанын айтып, соған 48 мың теңге сұрап, 9 шағынаудан тұрғындарын да мазалаған.

Облыстық полиция басқармасының айтуынша, бұл ер адам әкімшілік жауапкершілікке тартылып, сот шешімімен 30 тәулікке қамалған.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.