Ақтауда қар жауған күні тал отырғызылды

© Egemen.kz

Қала тұрғындары күн суытып, қар жауғанына қарамастан ағаш отырғызылғанына таң қалып, наразылық танытты, деп хабарлайды mangystaumedia.kz сайты.

Облыс әкімінің телеграм арнасында қала тұрғыны сауал жолдады.
- Ағаш отырғызып жатыр ма? Бүгін 7 желтоқсан, далада 0 градус,- дейді ол.

Қаланы көгалдандырумен айналысатын "Green City" ЖШС мамандарының айтуынша, бүгін отырғызылып жатқан ағаштар – суыққа төзімді.

- Бүгін 19 және 10 шағынаудандар периметріне қылқан жапырақты ағаштарды егу жұмыстары жүргізілуде. Олар суыққа төзімді болғандықтан -2 градусқа дейінгі температурада отырғызыла береді. Алдағы күндері ауа райы салқындайды, әлі егілмеген ағаштардың тамырын суықтан қорғау мақсатында осы егу жұмыстары жүруде,- деді "Green City Aktau" ЖШС директорының орынбасары Ақжол Сандыбеков.

Мамандардың айтуынша, бүгін барлығы 60 қылқан жапырақты ағаш отырғызылады. Ауа райының салқындауына байланысты егу жұмыстары осымен аяқталмақ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.